भानुभक्त -सविना रेग्मी




नेपाली कवि भित्रका चहकिला साहित्यमा लम्कियौ ।
नेपाली कवि मध्येका गुरु न हौ, साहित्यमा चम्कियौ ॥
बाजे व्यस्त थिए नि ज्ञान दिनमा ती भानुभक्तै भनि।
उस्तै व्यस्त भएर ज्ञान लिनमा यी भानुभक्तै पनि ॥

भाषाको गरुँ एकता भनि तिमी लागेर सफल गर्यौ ।
नेपाली जन सामु सागर सरी फैलेर कृति छर्यौौ ॥
लेख्ने पढ्ने नजान्नेले पनि अहो! भाषा टिपे ओठमा
सर्वत्र फिँजियो सबैतिर अहो ! घन्कन्छ यो गोठमा ॥

घाँसीको उपदेशबाट रचियो ती काव्य रामायण ।
बाला वृद्ध सबै यी ओठहरुमा घन्कन्छ रामायण ॥
नेपाली जन ओठ भिर पहरा थर्किन्छ रामायण ।
पूजापाठ सबै सुकार्यहरुमा चर्किन्छ रामायण ॥

-सविना रेग्मी
नलाङ-६, धादिंङ